Ford ընկերությունը պատուհաններ է ստեղծել կույրերի համար
Ամերիկյան Ford ընկերությունը սարք է ստեղծել, որի շնորհիվ տեսողությունը կորցրած մարդիկ կարող են պատկերներ «տեսնել»: Այդ մասին հայտնում է Planet Today-ը:
«Feel The View» կոչվող մշակումը Ford ընկերությունն իրականացրել է Իտալիայում GTB-ի և տեղական Aedo ընկերության հետ համատեղ: Ինովացիոն տեխնոլոգիայի աշխատանքի հիմքում դրված է զգացողությունների փոխանցումը 255 թրթիռների միջոցով, որոնք ուղարկվում են ավտոմեքենայի պատուհաններին, և որոնք կույր մարդիկ կարող են զգալ հպվելիս: Հեռարձակումը սկսելու համար պահանջվում է միայն կոճակը սեղմելով ակտիվացնել սարքը, և այն կկատարի բնապատկերի լուսանկարը:
Այսպիսով, կույրերը կարող են շրջակայքի լանդշաֆտն ինչպես ամբողջությամբ գնահատել, այնպես էլ դրա առանձին օբյեկտները:
