Մահացել է Նիկոլայ Դյաչենկոն
Հունվարի 4-ին 73 տարեկանում կյանքից հեռացել է վաստակավոր բասկետբոլիստ Նիկոլայ Դյաչենկոն։ Այս մասին տեղեկացնում է Հայաստանի բասկետբոլի ֆեդերացիան:
Նիկոլայ Դյաչենկոն հանդես է եկել Երևանի ՖԻՄԱ ակումբում և Հայաստանի հավաքականում 1967-1972 թվականներին։ 1973, 1974, 1976 թթ. Մոսկվայի ԲԿՄԱ-ի կազմում դարձել է ԽՍՀՄ չեմպիոն, 1973 թվականին՝ Եվրոպայի առաջնության բրոնզե մեդալակիր։ «Հայաստանի բասկետբոլի ֆեդերացիան խորին ցավակցություն է հայտնում Նիկոլայ Դյաչենկոյի ընտանիքի անդամներին, հարազատներին և բարեկամներին»,-ասված է հաղորդագրության մեջ:
