Երեք տեսակի ընկերներ, որոնք ձեզ պետք չեն

Ընկերները մեր կյանքի ամենակարևոր մարդկանցից են: Նրանք կարող են՝ ինչպես նպաստել մեր զարգացմանը, այնպես էլ՝ ցած քաշել: Lifter-ը ներկայացնում է ընկերների 3 տեսակ, որոնցից պետք է հեռու մնալ:

1. Թերահավատ

Այս մարդը սիրում է ուրիշների «թևերը կտրել»: Նա միշտ կգտնի միլիոնավոր պատճառներ, թե ինչու է ձեր ծրագիրը ձախողվելու: Նման ընկերները նախապես ծրագրելու են ձեր անհաջողությունը՝ իրենց նախանձի և անինքնավստահության պատճառով:

2. Մարդ-կասկած

Այս մարդիկ ստիպում են մտածել, որ աջակցում են ձեր նպատակներին, բայց նրանք առաջինն են, ովքեր նշում են ձեր թերությունները: Նրանց համար կարևոր է, որ դուք երբեք նրանցից լավ չլինեք:

3. Գլուխգովան

Իրենց ցածր ինքնագնահատականի պատճառով նրանք անընդհատ գովեստի կարիք ունեն: Գլուխգովանն անընդհատ պետք է ինքնահաստատվի, որպեսզի ինչ-որ կերպ ճնշի սեփական կասկածները:

Պատրաստեց Անի Գաբուզյանը