Ճապոնիայի կայսրը սկսել է գահ բարձրանալու գիշերային ծեսը
Ճապոնիայի նոր կայսր Նարուհիտոն նոյեմբերի 14-ին սկսել է Աստվածներին ընծաների մեծ մատուցման բազմաժամյա արարողությունը, որը վերջինը կդառնա ծեսերի հերթագայության մեջ, որոնք կապված են նրա գահ բարձրանալու հետ: Ինչպես հայտնել է Կայսերական պալատի վարչությունը, արարողությունը կավարտվի նոյեմբերի 15-ի մոտավորապես 03:00-ին (Երեւանի ժամանակով նոյեմբերի 14-ի 22:00-ին):
Արաողությանը ժամանել է 670 հյուր, ներառյալ Ճապոնիայի վարչապետ Սինձո Աբեն եւ նրա կաբինետի անդամները, խորհրդարանի երկու պալատների եւ Գերագույն դատարանի ղեկավարները: Նրանք բոլորը գտնվում են առանձին շենքում եւ բուն արարողությունը չեն տեսնի: Դրան մասնակցելու համար 59-ամյա Նարուհիտո կայսրը ներկայացել է ձյունափայլ մետաքսե զգեստով, ինչպես վաղ միջնադարում: Արարողության ընթացքում նա կքայլի իր ճանապարհին հատուկ փռած պաստառով, ինչը խորհրդանշորեն կոչված է միապետին պահպանելու երկրային արատից: Ծեսերի անցկացման համար կայսերական պալատի համալիրի արեւելյան մասում հատուկ կառուցված է տարբեր մեծության շուրջ 40 շենք: Արարողության գլխավոր մասը տեղի կունենա երկու տաղավարում, որոնք խորհրդանշում են Ճապոնիայի արեւելքն ու արեւմուտքը, հաղորդել է ՏԱՍՍ-ը:
