«Քաղաքապետին մինչև ժամը 11:35 ժամանակ ենք տալիս…». «ՍանիՏեքի» աշխատակիցները պահանջում են իրենց աշխատավարձերը
«ՍանիՏեքի» աշխատակիցները կրկին ակցիա են անում ընկերության գրասենյակի դիմաց՝ պահանջում են իրենց աշխատավարձերը: Նրանց հետ է նաև «Այլընտրանքային քաղաքապետարան» նախաձեռնության հիմնադիր Սոնա Աղեկյանը:
«Քաղաքապետին մինչև ժամը 11:35 ժամանակ ենք տալիս, որ Քաղաքապետարանից լիազորված մեկին ուղարկի, հակառակ դեպքում մենք մեքենաներով գնալու ենք քաղաքապետարան»,- ասաց Սոնա Աղեկյանը:
Աշխատակիցներն ասում են՝ իրենք շատ վատ պայմաններում են աշխատել, հիմա իրենց աշխատանքի վարձատրությունն են ուզում:
«Քամուն, անձրևին, գիշերն աշխատել ենք: Ընկել ենք մեքենայի տակ, դրա համար ոչ ոք պատասխանատվություն չի կրել: Չենք հասկանում՝ դուք այս 920 հոգու դեմ ի՞նչ ունեք: Հասկանում ենք՝ «ՍանիՏեքի» հետ խնդիրներ ունեք, բայց մեր գումարները փախանցեք»,- ասաց աշխատակիցներից մեկը:
Սոնա Աղեկյանը պնդում է, որ չնայած աղբամանները դատարկվում են, բայց մայրաքաղաքում սանմաքրում տեղի չի ունենում:
Պահանջում ենք աշխատավարձերը
Gepostet von Sona Aghekyan am Dienstag, 24. September 2019
Անահիտ Հովհաննիսյան
