«Սկզբից նրանք գոռում են, որ դու կապիկ ես, հետո խնդրում են լուսանկարվել». Էտօ’o

«Բարսելոնայի» նախկին հարձակվող Սամուել Էտօ’oն խոսել է կատալոնական ակումբ տեղափոխվելու և ֆուտբոլում ռասիզմի մասին:

«Ես միշտ երախտապարտ կլինեմ Լուիս Արագոնեսին (որը գլխավորում էր  «Մայորկան» 2003/2004 մրցաշրջանում) «Բարսայում» գտնվելու համար:

Նա ասաց ինձ՝ Նեգրիտո, դու ուզում ես լինել լա՞վ, թե՞ մեծ խաղացող: Նա ասաց ինձ, որ իմ ժամանակն իրենց հետ սպառվել է, և ես պետք է գնամ այլ ակումբ:

Այնուհետև նա զանգահարեց Չիկի Բեգիրիստինին («Բարսելոնայի» նախկին տեխնիկական տնօրեն) և հարցրեց նրանց, թե արդյո՞ք իրենց պետք է տիտղոսներ նվաճող ֆուտբոլիստ: Երևի նա այդ ժամանակ մտածում էր, թե ինչ է  ծխել Արագոնեսը:

Ինչ վերաբերում է ռասիզմի դրսևորումներին, ապա ինձ համար դրանք շատ տխուր պահեր էին: Ամենավատ մասն այն է, որ դա միշտ կրկնվում է:

Դեղին, սև, նարնջագույն … ի վերջո, մենք բոլորս նույնն ենք, և մեր երեխաները պետք է դա իմանան:

Մարդիկ գոռում են, որ դու կապիկ ես, որից հետո խնդրում են լուսանկարվել: Դե, նրանք ունեն կապիկի նկար»,- ասել է Էտօ’օն:

Սիրարփի Աղաբաբյան