«Նա ցանկանում է հեռանալ: Չեմ կարծում, որ ֆրանսիացին մեծ կորուստ կլինի «Մանչեսթեր Յունայթեդի» համար». Սքոուլզ
«Մանչեսթեր Յունայթեդի» նախկին կիսապաշտպան Պոլ Սքոուլզը խոսել է թիմի կիսապաշտպան Պոլ Պոգբայի մասին:
«Կարծում եմ, որ միանգամայն ակնհայտ է, որ նա ցանկանում է հեռանալ: Պոգբան ցանկանում էր գնալ «Ռեալ», բայց ինչ-ինչ պատճառներով դա տեղի չունեցավ:
Ես չեմ զարմանա, եթե նա նույն լուրջ առաջարկը ստանա, ինչպես ավելի վաղ ստացել էր Կրիշտիանուն, երբ նա գտնվում էր «Մանչեսթեր Յունայթեդում»:
Եթե Պոգբային խնդրեն մեկ տարի մնալ, մենք կտեսնենք, թե ինչ է տեղի ունենում: Բայց չեմ կարծում, որ նա «Յունայթեդի» համար մեծ կորուստ կլինի:
Չեմ կարծում, որ նրա մարզավիճակը հոյակապ էր այն տարիներին, որ նա գտնվում էր այստեղ: Վստահ եմ, որ մենք ունենք խաղացողներ, ովքեր կարող են կատարել նույն լավ գործը»,- ասել է Սքոուլզը:
Սիրարփի Աղաբաբյան
