«Բարսելոնան» հերթական լուրջ կորուստն ունի
Հայտնի է դարձել «Բարսելոնայի» պաշտպան Ժորդի Ալբայի վերականգնման ժամանակացույցը, որը վնասվածք էր ստացել Չեմպիոնների լիգայի խմբային փուլի «Բորուսիայի» դեմ խաղում (0:0):
Ֆուտբոլիստը երեկ առավոտյան ենթարկվել է բժշկական զննման: Պարզ է դարձել, որ ֆուտբոլիստը վնասել է ազդրը:
Ըստ ամենայնի, Ալբան կբացակայի 10-15 օր:
Հաջորդ խաղում «Բարսելոնան» Իսպանիայի առաջնությունում կհանդիպի «Գրանադայի» հետ: Հանդիպումը կկայանա սեպտեմբերի 21-ին՝ 23:00-ին:
Նշենք, որ կատալոնական ակումբում շատ են վնասվածք ունեցող ֆուտբոլիստները: Հայտնի է դարձել, որ պաշտպաններից Ումտիտին կբացակայի մոտ 6 ամիս:
Սիրարփի Աղաբաբյան
