Վենեսուելայի փոխնախագահը կոչ է արել ԱՄՆ-ին վերականգնել երկրների երկխոսությունը
Վենեսուելայի փոխնախագահ Դելսի Ռոդրիգեսը դիմել է ԱՄՆ-ի կառավարությանը՝ կոչ անելով երկխոսության եւ բանակցությունների գործընթաց սկսել երկու երկրների միջեւ: Այդ մասին հայտնել է VTV վենեսուելական հեռուստատեսությունը:
«Միակ բանը, որը մենք ակնկալում ենք ԱՄՆ-ի կառավարությունից, ողջամտություն դրսեւորելն է, Վենեսուելայի նախագահ Նիկոլաս Մադուրոյի կառավարության հետ դիվանագիտական կապուղներն ու երկխոսությունը վերականգնելը, այլ ճանապարհ չկա»,- հայտարարել է Ռոդրիգեսը:
Վենեսուելայի փոխնախագահը հավելել է, որ երկրի օրինական ու սահմանադրական կառավարությունը տապալելու ԱՄՆ-ի պլանների ձախողումից հետո ԱՄՆ-ի իշխանությունների համար մնացել է «մեկ ճանապարհ»՝ երկխոսությունն ու դիավանագիտական բանակցությունները», հաղորդել է ՌԻԱ Նովոստին:
