Խոշոր հրդեհ՝ Արմավիրի մարզի Հայթաղ գյուղում. 2 տան տանիքներն ամբողջությամբ այրվել են
Սեպտեմբերի 18-ին, ժամը 16:46-ին «911» ծառայություն ահազանգ է ստացվել, որ Արմավիրի մարզի Հայթաղ գյուղում այրվում են տների տանիքներ:
Դեպքի վայր են մեկնել ԱԻՆ ՓԾ Ճգնաժամային կառավարման ազգային կենտրոնի արտակարգ իրավիճակների արձագանքման խումբը և մարզային փրկարարական վարչության օպերատիվ խումբը, հրշեջ-փրկարարական ջոկատից չորս մարտական հաշվարկ:
Պարզվել է, որ այրվում են Հայթաղ գյուղի Մենուա փողոցի երկու տների տանիքներ:
Հրդեհը մեկուսացվել է ժամը 17:22-ին, մարվել՝ 17:57-ին:
Ամբողջությամբ այրվել են երկու տների տանիքները և մեկ այլ տան տանիք՝ մասամբ (ընդհանուր 700 քմ): Տուժածներ չկան:
