«Ինչի՞ են հնդիկներին բերել. մենք էդ գործը չէինք կարո՞ղ անել, նոր մեքենաներ են բերել, բա ինչի՞ քաղաքը մաքուր չի». «ՍանիՏեքի» աշխատակիցներ
Քաղաքապետարանի առջև այս պահին բողոքի ակցիա են իրականացնում «ՍանիՏեք» ընկերության աշխատակիցները, ովքեր քաղաքապետարանից պահանջում են իրենց մեկ ամսվա աշխատավարձը:
«Ինչի՞ են հնդիկներին բերել. մենք էդ գործը չէինք կարո՞ղ անել: Նոր մեքենաներ են բերել, բա ինչի՞ քաղաքը մաքուր չի: Թող էդ մեքենաները տային «ՍանիՏեքին» երեք օրում կպլպլար»,-նշեց ակցիայի մասնակիցներից մեկը:
«Երևանի աղբահանություն և սանիտարական մաքրում» նոր համայնքային հիմնարկի տնօրեն Ա. Գրիգորյանը ակցիայի մասնակիցներին հրավիրեց իրենց հիմնարկ աշխատանքի՝ նշելով, որ աշխատանքը կլինի թրեյնինգներից հետո:
168.am-ի հարցին, թե դրանք կլինեն վճարվո՞ղ թրեյնինգներ և արդյո՞ք այդ հիմնարկում աշխատող այլազգիները նույնպես անցնում են թրեյնինգներ, նա պատասխանեց. «Այո, իհարկե»:
Քաղաքապետին տեղեկացրին ակցիայի մասին, ինչին ի պատասխան նա նկատեց, որ դա «ՍանիՏեքի» կողմից ուղղորդված է:
Զարուհի Դիլանյան
