Կոուտինիոն Instagram-ի կենսագրությունից ջնջել է ««Բարսելոնայի» ֆուտբոլիստ» տողը

Բրազիլիայի հավաքականի կիսապաշտպանի երկրպագուները վերջերս նկատել են, որ ոչ շատ վաղուց Ֆիլիպը հեռացրել է Instagram-ի կենսագրությունից ««Բարսելոնա» ֆուտբոլային ակումբի խաղացողը» տողը: Այժմ կա միայն ֆուտբոլիստի անունը և ազգանունը:

Հաշվի առնելով, որ կատալոնական ակումբը արդեն գնել է Անտուան Գրիզմանին և կարող է վերադարձնել Նեյմարին, Կոուտինիոյի դիրքերն ակումբում թուլանում են: Գուցե ֆուտբոլիստն այս քայլով հեռանալու ակնարկ է արել:

Այս պահին Կոուտինիոյի նախկին ակումբը՝ «Լիվերպուլը», շատ հետաքրքրված է նրա ծառայություններով: Սակայն կատալոնացիները չեն ուզում վաճառել Կոուտինիոյին մեկ այլ ակումբի, քանի որ ցանկանում են նրան դարձնել Նեյմարի գործարքի մի մասը:

Սիրարփի Աղաբաբյան