Գագիկ Ծառուկյանը չի պատրաստվում ներողություն խնդրել լրագրողներից
Ազգային ժողովի «Բարգավաճ Հայաստան» խմբակցության ղեկավար Գագիկ Ծառուկյանը չի պատրաստվում ներողություն խնդրել լրագրողներից իր հայտարարության՝ «Հենց դու քո ցեղով գնա օրենքին ենթարկվի», ու մեղադրանքների համար:
Մի շարք լրագրողական կազմակերպություններ, հիշեցնենք, հայտարարություն էին տարածել՝ Ծառուկյանից պահանջելով ներողություն խնդրել:
Այսօր ԱԺ-ում լրագրողների հարցադրումը՝ պատրաստվո՞ւմ է արդյոք ներողություն խնդրել, Ծառուկյանի ծիծաղը հարուցեց:
«Դուք ոչ թե հարց եք տալիս, դուք Ծառուկյանին ուզում եք հունից հանել»,- ասաց ԲՀԿ ղեկավարը՝ նկատելով, որ տեսանյութերը հետո նայում է ու զարմանում, թե ոնց է կարողանում իրեն զսպել:
