Ահազանգողը տեղեկացրել է, որ նկատել է «մորուքով և սև շապիկներով անձանց». Ադեկվատցիները ազատ են արձակվել
«Ադեկվատ» հասարակական կազմակերպությունը հայտարարություն է տարածել.
«Հարգելի աջակիցներ
2․5 ժամ ոստիկանության բաժանմունքում գտնվելուց հետո բոլոր բերման ենթարկվածները ազատ են արձակվել։
Ինչպես պարզվեց, ոստիկանությունը գործել է ինչ-որ ահազանգի հետքերով, ահազանգողը տեղեկացրել է, որ նկատել է մեքենայով ընթացող «մորուքով և սև շապիկներով անձանց», ինչն էլ հանդիսացել է ոստիկանական գործողությունների հիմք։
Ցավում ենք, որ իշխանությունների ապիկար կառավարման և խուճապային հրահանգավորումների հետևանքով այնպիսի լուրջ կառույցի աշխատանքը, ինչպիսինն է Ոստիկանությունը, զավեշտի է վերածվում, և վարկաբեկվում իրավապահ մարմինների համբավն ու գործառույթները։
Շնորհակալ ենք աջակիցներին և ԶԼՄ-ներին ուշադրության համար»:
