«Փաշինյան, կարո՞ղ է այդ մասին էլ է «կիրթ» Ալիևը ականջիդ շշնջացել վերելակներում». Շարմազանով

Էդուարդ Շարմազանովը ֆեյսբուքյան իր էջում գրում է. «Փաշինյան, կարո՞ղ է այդ մասին էլ է «կիրթ» Ալիևը ականջիդ շշնջացել վերելակներում:

Քիչ առաջ Նիկոլ Փաշինյանը հերթական անգամ ապացուցեց, որ իր կառավարման ամեն մի օրը վնասում է ազգային անվտանգությանն ու պետական շահին:

Խոսելով իր հայտարարած «դավադիր ուժերի» մասին, ասաց, որ հանգել է այդ եզրակացությանը, քանի որ պաշտոնյաներից մեկը իր հետ հանդիպումից հետո օգնականին հանձնարարել է իր դեմ սոցիալական ցանցերում գրառում անել:

Սա ասում է ոչ բարով վարչապետի պաշտոնը զբաղեցնող մարդ: Սա պետությո՞ւն է, թե՞ մսուր մանկապարտեզ:

Ամոթ է, հերիք է անլրջացնեք ամեն ինչ ու երկրի ղեկավարումը իջեցնեք ֆեյսբուքչիների բամբասանքի մակարդակի:

Սրանով Փաշինյանի զավեշտալի մեկնաբանությունները չեն ավարտվում:

Ուշադրություն. ՀՀ վարչապետն ասում է, թե Արցախի ղեկավարությունը մինչեւ իրեն տեղյակ չի եղել, թե ինչ է բանակցվում: Իրո՞ք: Կարո՞ղ է, այդ մասին էլ է ականջիդ «կիրթ եւ նորմալ անձնավորություն» Ալիեւը շշնջացել, ինչպես «Սանկտ-Պետերբուրգում պայմանավորվածություն չունենալու» մասին էր ասել:

Բա տարիներ շարունակ Արցախի ղեկավարները Ստեփանակերտում ԵԱՀԿ ՄԽ համանախագահների եւ ԵԱՀԿ ղեկավարի անձնական ներկայացուցչի հետ ի՞նչ են քննարկել:

Հայաստանի եւ Արցախի ղեկավարների բազմաթիվ հանիպումներ են տեղի ունեցել, որից հետո պաշտոնական հաղորդագրություններ են տարածվել, որ քննարկվել է բանակցային կարգավորման գործընթացը:

Ամեն խեղկատակություն էլ սահման է ունենում:

Գիտակցեք, ի վերջո, որ Ձեր ստոր մանիպուլյացիաներին ականջ են դնում ոչ միայն երկրի ներսում: Հետո էլ նեղանում եք, թե դրսում լուրջ չեն վերաբերվում:

Հ.Գ. Օտարերկրյա գործակալներից ի՞նչ կա: Անունները ե՞րբ եք հրապարակելու: Թե՞ իրավիճակը իրավիճակի հետեւից փոխվում է»:

https://www.facebook.com/permalink.php?story_fbid=444698122997955&id=333386077462494&__xts__[0]=68.ARCS2PhC2Xmww9cAJ36M6wiF466MIjCfhDkCkf98XddXWCW4vhmLjEZZ-w9w1g0QkOJiL5-C125lO4qemCIG3PiTJJwQWUDYA6N8r4LeyTFE4voTjhVYWUTCnB7rBvFtJXL1x-JZXz5Dite_1Oa2aDtA5GSyJMRg3EqTXKfvnURj5rUsU6D3Rgmdoo-FBzOcBjBpqKhdLiPULZsZCud4hlEEzmmkODh9ndYcv-C2q7Wwlm4iU8mZ3XIRe-6aX9GKh7gHNKfqsHYyNVlYJ2pztwQfIHUcyp-4QWDAzL–Cqvij16izffgv75qZa_VZ-Oimf-Z8lw_wR3AY4aBfgo&__tn__=-R