Սոնա Հովհաննիսյանն ընտրվել է Կոնսերվատորիայի ռեկտոր
Երևանի Կոմիտասի անվան պետական կոնսերվատորիայի ռեկտոր է ընտրվել Սոնա Հովհաննիսյանը, որը մի քանի ամիս կատարում էր ռեկտորի ժամանակավոր պաշտոնակատարի պարտականությունները:
Ռեկտորի ընտրությունը կայացել է մայիսի 14-ին: Այն տևել է մի քանի ժամ:
Ռեկտորի պաշտոնում առաջադրվել էին Սոնա Հովհաննիսյանը և կոնսերվատորիայի նախկին պրոռեկտոր, դաշնակահար Վաղարշակ Հարությունյանը: Հովհաննիսյանը ստացել է 15 ձայն, իսկ Վաղարշակ Հարությունյանը՝ ութ:
