Նկարիչ Դավիթ Դանիելյանը նշանակվել է Մշակույթի նախարարի օգնական

Հայաստանի Հանրապետության մշակույթի նախարարի օգնականի պարտականությունները մայիսի 13-ից կատարում է երիտասարդ նկարիչ Դավիթ Դանիելյանը:

Նախարարի տեղակալ Տիգրան Գալստյանը ֆեյսբուքի իր էջում անդրադարձել է Դանիելյանի նշանակմանն ու գրել, որ Դավիթը, բացի իր ընկերը լինելուց, մեր ժամանակների լավագույն նկարիչներից մեկն է: «Նա շատ լավ տիրապետում է արվեստի տեսությանը և պատմությանը, հեշտ հաղորդակցվում է ոլորտի ներկայացուցիչների հետ, ազնիվ է, բաց և ունի բոլոր մարդկային և մասնագիտական հատկությունները նոր Հայաստանի պետական համակարգում աշխատելու և երկրին անմնացորդ ծառայելու համար»,-նշել է Գալստյանը:

Փոխնախարարը հույս է հայտնել, որ պատասխանատու պաշտոնը չի խոչընդոտի Դավիթ Դանիելյանին նույն եռանդով շարունակել ստեղծագործելը։