Ադրբեջանը կստանա թուրքական BMC ընկերության զրահամեքենաներ. Azeri Defence

Ըստ ադրբեջանական մասնագիտացված Azeri Defence կայքի՝ թուրքական մեքենաշինական BMC ընկերությունը Ադրբեջան է արտահանելու զրահամեքենաներ:

Այդ տեղեկությունը, ըստ կայքի, Թուրքիայում անցկացված IDEF-2019 ռազմարդյունաբերական ցուցահանդեսի շրջանակներում իրենց են փոխանցել հենց BMC ընկերությունից:

Հայտնի չէ, թե կոնկրետ որ զրահամեքենաների և ինչ ծավալների մասին է խոսքը, ավելին՝ հայտնի չէ անգամ, թե Ադրբեջանի որ ուժային կառույցին են տրվելու մեքենաները:

BMC ընկերությունը արտադրում է 4×4 և 6×6 ընթացամասերով Kirpi և 4×4 ընթացամասով Amazon զրահամեքենաներ: Ընկերությունը արտադրում է նաև ռազմական բեռնատարներ, ինչպես նաև ոստիկանական ուժերի համար նախատեսված հատուկ տեխնիկա:

Ինչ վերաբերում է Ադրբեջանին՝ ապա տեխնիկան կարող է համալրել բանակի, Պետական սահմանապահ ծառայության, ներքին զորքերի կամ Հատուկ պետական պահպանության ծառայության սպառազինությունը:

Թուրքական Kirpi (Քիրփի) զրահամեքենա

Թուրքական BMC Amazon զրահամեքենա