Գերմանիան անընդունելի է համարել ԳՀՀԾ-ի պարտավորություններից Իրանի մասնակի հրաժարումը
Իրանական միջուկային ծրագրի շուրջ Գործողությունների համատեղ համապարփակ ծրագրից (ԳՀՀԾ) Իրանի մասնակի հրաժարումն անընդունելի է, Բեռլինում շահագրգռված են ամբողջ ծավալով գործարքի պահպանմամբ: Այդ մասին Բեռլինում կայացած ճեպազրույցում հայտարարել է Գերմանիայի նախարարների կաբինետի պաշտոնական ներկայացուցիչ Շտեֆան Զայբերտը:
«Մենք առաջվա պես շահագրգռված ենք միջուկային գործարքի եւ Իրանի կողմից իր պարտավորությունների ամբողջական պահպանմամբ»,-ասել էԶայբերտը, հավելելով, որ «պարտավորությունների մասնակի խախտումն անընդունելի է», հաղորդել է ՌԻԱ Նովոստին:
