Ճապոնիայում երկու մարդ է զոհվել ավտոմեքենայի կողմից մի խումբ երեխաների վրաերթի հետևանքով

Ճապոնիայի Սիգայի պրեֆեկտուրայում երկու երեխա է ստացած վերքերից մահացել հիվանդանոցում այն բանից հետո, երբ ավտոմեքենան ճանապարհատրանսպորտային պատահարի հետեւանքով մխրճվել է երեխաների խմբի մեջ: Այդ մասին հայտնել են տեղի իրավապահ մարմինները:

Միջադեպը տեղի է ունեցել Օցու քաղաքում: Փոխադրամիջոցներից մեկը, իներցիայով շարունակելով շարժումը, մխրճվել է մանկապարտեզի երեխաների խմբի մեջ, որոնք դաստիարակների հետ դուրս էին եկել զբոսանքի: Միջադեպի պահին նրանք սպասում էին լուսացույցի կանաչ լույսին, որպեսզի անցնեն ճանապարհը:

Ընդհանուր առմամբ միջադեպի հետեւանքով հոսպիտալացվել է 15 մարդ, ներառյալ 13 երեխան: Երկու փոխադրամիջոցների ղեկին եղել են կանայք: Նրանք ոստիկանության կողմից ձերբակալվել են միջադեպի վայրում: Ներկայում իրավապահ մարմինները պարզում են պատահածի հանգամանքները, հաղորդել է ՏԱՍՍ-ը:

滋賀県警察本部に入った連絡によりますと、午前10時すぎ、大津市大萱の交差点で、十数人の保育園の園児の列に車が突っ込んだということです。
けが人がいるという情報があり、警察や消防が現場の状況を調べています。https://t.co/UPhThk8Rxk#nhk_news pic.twitter.com/B9wPzhchWr

— NHKニュース (@nhk_news) May 8, 2019