Սարին հայտնել է «Միլանին», որ մտադիր չէ հեռանալ «Չելսիից»
Լոնդոնի «Չելսիի» գլխավոր մարզիչ Մաուրիցիո Սարիին մտադիր է շարունակել աշխատանքը թիմի հետ հաջորդ մրցաշրջանում:
Ինչպես հաղորդում է La Gazzetta dello Sport-ը, իտալացի մասնագետն իր ցանկության մասին տեղեկացրել է «Միլանի» ղեկավարությանը, որն ավելի վաղ մարզչին դիտարկում էր՝ որպես Ջենարո Գատուզոյի փոխարինող:
Ավելի վաղ հաղորդվում էր, որ «Միլանը» մրցաշրջանի ավարտից հետո, ամենայն հավանականությամբ, հրաժեշտ կտա Գատուզոյին: Սարին համարվում էր ամենացանկալի թեկնածուն գլխավոր մարզչի պաշտոնում: Իտալացու ծառայությունների նկատմամբ հետաքրքրություն է ցուցաբերում նաև «Ռոման»:
Պատրաստեց Անի Գաբուզյանը
