Արցախի ՍԱՊ ծառայությունը զգուշացնում է զերծ մնալ թունաքիմիկատներով մշակված գյուղատնտեսական վայրերից
Առաջիկա օրերին Արցախի Հանրապետության դաշտամիջյան ճանապարհներին և դաշտամերձ չմշակվող տարածքներում թունաքիմիկատների օգտագործմամբ իրականացվելու են մոլախոտերի դեմ պայքարի միջոցառումներ:
Այս մասին «Արցախպրես»-ի թղթակցի հետ զրույցում ասել է ԱՀ գյուղատնտեսության նախարարության սնդամթերքի անվտանգության պետական ծառայության (ՍԱՊԾ) պետ Արթուր Ներսիսյանը:
Նա ԱՀ ՍԱՊ ծառայության անունից զգուշացնում է անասնապահությամբ և մեղվաբուծությամբ զբաղվող բոլոր քաղաքացիներին՝ թունավորումներից խուսափելու համար զերծ մնալ թունաքիմիկատներով մշակված վայրերում անասուններ արածեցնելուց, մեղվաընտանիքներ տեղադրելուց, ինչպես նաև վայրի բույսեր հավաքելուց և դրանք սննդի մեջ օգտագործելուց:
