Խոշոր հրդեհ «Էս Թի սերվիս» ՍՊԸ-ում
Ապրիլի 1-ին, ժամը 07:34-ին «911» ծառայությանն ահազանգ է ստացվել, որ Երևան քաղաքի «Երազ» գործարանի տարածքում գտնվող պահակակետից ծուխ է նկատվում: Անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ հրդեհը բռնկվել է Ազատության 28 հասցեում գտնվող «Էս Թի սերվիս» ՍՊԸ-ի (տնօրեն՝ Ս.Խ.) տարածքում՝ աշխատակիցների հանդերձարանում:
Հրդեհը մեկուսացվել է ժամը 08:02-ին, մարվել՝ 08:13-ին:
Հանդերձարանում (15 քմ) այրվել են մանրահատակը՝ 2 քմ և գույքը՝ մասնակի:
