«Մեզ փաստացի հեռացրել են աշխատանքից». «Սեքյուրիթի Դրիմ» ՍՊԸ աշխատակիցները դիմել են Նիկոլ Փաշինյանին

Մեծարգո պարոն Վարչապետ

Դուք, մեր երկրի առջև ծառացած բարդագույն խնդիրները լուծելիս անուշադիր չեք նաև ներհասարակական զարգացումներին և Ձեր բազմազբաղ աշխատանքային առօրյայում խնդրում ենք ուշադրություն դարձնել նաև մեր խնդիրներին. մենք, «Սեքյուրիթի Դրիմ» ՍՊ ընկերության աշխատակիցներ ենք և արդարության մղումով, մեր օրինական շահերը և իրավունքները պաշտպանելով հայտնվել ենք մեր աշխատանքը կորցնելու իրավիճակում։

Սույն թվականի մարտի մեկին, տեղեկանալով այն մասին, որ մեր ընկերության տնօրեն պարոն Արամ Ղլեչյանը մտադիր է հեռանալ աշխատանքից, հավաքվել ենք ամբողջ անձնակզմով և մեր անհամաձայնությունն ենք հայտնել այդ կապակցությամբ /նաև իրակնացրել ենք ստորագրահավաք/։

Մեր տնօրենը, անսալով մեր ցանկությանը հայտարարել է, որ շարունակում է պաշտոնավարումը, սակայն «Սեքյուրիթի Դրիմ» ընկերության հիմնադիրներ Ալեքսան և Գուրգեն Զաքարյանները, հավատարիմ իրենց սերժական երդմանը, անհանդուրճող են ցանկացած քննադատության և այլակարծության դրսևորումներին և մեզ թիրախավորելով, մեզ համարելով այդ հավաքի կազմակերպիչներ, սույն թվականի մարտի 5-ից, արգելափակել են էլեկտրոնային անցագրային կետը և մեր մուտքը արգելելով աշխատավայր, փաստացի հեռացրել են աշխատանքից։

Թեև, մեզ հետ 01.03.2019թ. հանդիպման ժամանակ Ալեքսան Զաքարյանը տղամարդու խոսք տվեց, որ ոչ մեկին չեն կրճատելու և չեն նվազեցնելու աշխատավարձերը, այդուհանդերձ փաստացի կատարում է իր դավադիր ծրագիրը և մեզ համար այլևս ակնհայտ է թե ինչ արժե Ալեքսան Զաքարյանի «տղամարդու» խոսքը։

Զաքարյանների կողմից նշանակված նոր տնօրենը, օգտվելով իրավիճակից, խեղաթյուրելով փաստերը, մեզնից գրավոր կարգով պահանջել է բացատրություն 01.01.2019 թվականին աշխատավայրից ամբողջ օրը բացակայելու պատճառների մասին, թեև Արաբկիրի քննչական բաժնի նախկին պետ, իրավաբան Արթուր Պողոսյանի համար պետք է ակնհայտ լիներ այն հանգամանքը, որ մեր կարծիքը հայտնելու նպատակով իրականացված հավաքը սկսվել է ժամը 14։00 սահմաններում և տևել է 2 ժամ, ուստի ամբողջ օրը աշխատանքից բացակայելու իրավական երևույթը պարզապես բացակայում է։

Հուսով ենք, որ պարոն Պողոսյանն իր նախկին պաշտոնավարման ժամանակ առավել արդարացի է արձանագրել փաստերը և չի խեղաթյուրել քրեական կամ քրեադատավարական նորմերի պահանջները, ինչպես փորձում է դա կատարել աշխատանքային իրավահարաբերությունների դեպքում։

Մեծարգո պարոն Վարչապետ, խնդրում ենք Ձեր հանձնարարականը ստեղծված իրավիճակը արդարության սկզբունքների պահպանմամբ հանգուցալուծելու համար։

Հարգանքներով՝

Վահագն Գևորգյան- փոխտնօրեն

Միքայել Պողոսյան-տնօրենի օգնական

Գևորգ Մաթևոսյան-խախտումների արձանագրման բաժնի պետ

Արթուր Գալստյան- խախտումների արձանագրման բաժնի պետի տեղակալ

Արշակ Օհանյան- խախտումների արձանագրման բաժնի պետի տեղակալ

Սիրակ Գրիգորյան-իրավական վերլուծության բաժնի պետ

Նարեկ Պետրոսյան- որակի վերահսկողության բաժնի պետի տեղակալ

Արմեն Համբարձումյան- վերստուգիչ֊վերլուծական բաժնի ավագ վերլուծաբան

Սերգեյ Սարիբեկյան -մատակարար

Զավեն Գևորգյան- խախտումների արձանագրման բաժնի հերթափոխի ավագ

Հայկ Թորոսյան- խախտումների արձանագրման բաժնի հերթափոխի ավագ

Հայկ Հակոբյան-խախտումների արձանագրման բաժնի հերթափոխի ավագ

Դավիթ Սուղյան-խախտումների արձանագրման բաժնի հերթափոխի ավագ

Ստեփան Սրապյան-խախտումների արձանագրման բաժնի հերթափոխի ավագ

Էդուարդ Վարդանյան- խախտումների արձանագրման բաժնի հերթափոխի ավագ

Մկրտիչ Կարախանյան -խախտումների արձանագրման բաժնի հերթափոխի ավագ

Հարություն Ասլանյան- որակի վերահսկողության բաժնի ավագ վերլուծաբան

Կարեն Ալեքսանյան-որակի վերահսկողության բաժնի վերլուծաբան

Ռազմիկ Խաչատրյան- երթևեկության վերահսկիչ

Արթուր Բաղդասարյան-երթևեկության վերահսկիչ

Հովհաննես Հարությունյան-երթևեկության վերահսկիչ

Սերգեյ Ասլանյան- երթևեկության վերահսկիչ

12. 03. 2019թ.