Անգելա Մերկելի անհատական տվյալները դարձել են հանրության սեփականությունը
Հարյուրավոր գերմանացի քաղաքական գործիչների, այդ թվում՝ Անգելա Մերկելի անհատական տվյալները դարձել են հանրության սեփականությունը՝ քիբերհարձակման արդյունքում: Այս մասին հայտնել է գերմանական ARD հասարակաիրավական մեդիաընկերությունը:
Համացանցում են հայտնվել կրեդիտ քարտերի, հեռախոսահամարների, հասցեների, անձնական և ներկուսակցական փաստաթղթերի տվյալներ, ինչպիսիք են օրինակ անձնագրերը, հաշիվները, նամակները, հրավիրատոմսերը, անգամ՝ անձնական նամակագրությունները:
Հանցագործները դեռևս բացահայտված չեն, ցանցահենության նպատակները՝ նույնպես: Այնուամենայնիվ, ըստ աղբուրի, կարևոր ու գաղտնի տվյալներ այդ փաստաթղթերում չկան:
