Ռոբերտ Արզումանյանի կարիերայի առաջին և վերջին ակումբները կանցկացնեն նրա հրաժեշտի խաղը
Հայաստանի Բարձրագույն խմբի առաջնության 14-րդ տուրում վաղը՝ հոկտեմբերի 31-ին, կայանալու է «Արցախ»-«Փյունիկ» հանդիպումը: Նախկին «Միկա» ստադիոնում կայանալիք հանդիպումից հետո երկու ակումբները, երկրպագուները հրաժեշտ կտան վերջերս պրոֆեսիոնալ ֆուտբոլիստի կարիերան ավարտած Ռոբերտ Արզումանյանին:
Խորհրդանշական է, որ Արզումանյանին հրաժեշտ կտան իր առաջին և վերջին թիմերը՝ «Փյունիկը», որտեղ նա սկսել է պրոֆեսիոնալ ֆուտբոլիստի կարիերան և «Արցախը», որտեղ նա ավարտել է այն:
Հայտնի է, որ Ռոբերտ Արզումանյանն աշխատանքի է անցել Հայաստանի ֆուտբոլի ֆեդերացիայում` սկաուտինգի բաժնում:
