Ողբերգական վթար ՌԴ-ում. կան զոհեր
Ռուսաստանի Տվերի մարզի Կալինինսկի շրջանում մարդատար ավտոբուսը բախվել է երթուղային տաքսիին: Երկրի արտակարգ իրավիճակների նախարարությունում հայտնել են վթարի հետեւանքով 13 զոհվածների մասին, տեղեկացնում է ՏԱՍՍ-ը:
Մինչդեռ տարածաշրջանի դատախազության տվյալներով՝ մահացել է 12, մարդ, ընդամենն ավտոբուսում եղել է 14 մարդ: ՆԳ նախարարության Տվերի մարզի վարչության մամուլի ծառայությունում ճշտել են, որ բախվել են ԼԻԱԶ ավտոբուսը եւ Ford երթուղային տաքսին: Տուժածներին տեղափոխում են հիվանդանոցներ:
Նրանցից երկուսի վիճակը շատ ծանր է: Ինչպես ՏԱՍՍ-ին հայտնել են ԱԻՆ-ի տարածաշրջանային վարչությունում, Ford-ը երթուղային էր եւ Ռժեւից ընթանում էր Ստարիցա:
