Փրկարարները ջրանցքից դուրս են բերել քաղաքացու դին
Հոկտեմբերի 4-ին՝ ժամը 16:29-ին, «911» ծառայությանն ահազանգ է ստացվել, որ Արարատի մարզի Հովտաշեն գյուղի ջրանցքում քաղաքացի է խեղդվում. քաղաքացին ընկել է ջրանցքը.
Դեպքի վայր են մեկնել ՀՀ ԱԻՆ ՓԾ հրշեջ-փրկարարական ջոկատից երեք մարտական հաշվարկ և մարզային փրկարարական վարչության օպերտիվ խումբը:
Ժամը 22:21-ին ջրափրկարարները դուրս են բերել Ա. Ս.-ի (ծնված 1963 թ.) դին:
