Տղաները սեռական հարաբերություն են ունեցել ավտոմեքենայում. ամբաստանյալը անհամաձայնության պատճառով դանակահարել է տղային
Դատարան է ուղարկվել դիտավորությամբ առողջությանը ծանր վնաս պատճառելու դեպքով հարուցված քրեական գործը:
Քրեական գործի շրջանակներում ամբաստանյալ տղամարդուն մեղադրանք է առաջադրվել այն բանի համար, որ նա Երևանի բնակչի հետ Քանաքեռավան գյուղի Հեղնար Աղբյուր կոչվող հատվածում կայանված ավտոմեքենայում իր ցանկությամբ սեռական հարաբերություն է ունեցել տղայի հետ, որի ընթացքում միմյանց միջև նույն գործողությունների շուրջ ծագած անհամաձայնության ժամանակ նախապես վերցված և իր մոտ գտնվող գործարանային արտադրության խոհանոցային դանակով հարվածել է նրա որովայնի ձախ հատվածին՝ դիտավորությամբ վերջինիս առողջությանը պատճառելով ծանր վնաս:
Խափանման միջոց է ընտրվել կալանավորումը: Տղամարդը մեղադրվում է ՀՀ քրեական օրենսգրքի 112-րդ հոդվածի 1-ին մասով՝ դիտավորությամբ առողջությանը ծանր վնաս պատճառելը:
