«Քայլող մեռյալները» կզրկվեն գլխավոր հերոսից. Hollywood Reporter
Բրիտանացի դերասան Էնդրյու Լինքոլնը՝ «Քայլող մեռյալների» աստղը, կլքի սերիալը: Այս մասին հաղորդել է The Hollywood Reporter-ը: «Քայլող մեռյալներում» Լինքոլնը խաղում է Ռիք Գրայմսի՝ ոստիկանության նախկին սպայի գլխավոր դերը, որը գլխավորում է զոմբի-ապոկալիպսիսի հարձակումից հետո ողջ մնացածների խումբը:
Դերասանը սերիալից կհեռանա իններորդ եթերաշրջանից հետո: Նշվում է, որ նոր մասում գործող անձի էկրանային ժամանակը կկրճատվի, իսկ սերիալի գլխավոր աստղը կդառնա Նորման Ռիդուսը՝ Դերիլ Դիքսոնի դերակատարը:
Սերիալի ստեղծողները պատրաստվում են Ռիդուսին 20 միլիոն դոլարից ավելի հոնորար վճարել իններորդ եթերաշրջանի համար: Լինքոլնի հեռանալու պատճառն առայժմ չեն հայտնում: Բրիտանացի դերասանը նաեւ նկարահանվել է «Ամպրոպների լեռնանցքը», «Սրտակերը» եւ «Իրական սեր» ֆիլմերում:
