Համաներումն Ադրբեջանում չի լուծել քաղբանտարկյալների հարցը
Ադրբեջանի Հանրապետության 100-ամյակի կապակցությամբ նախագահ Իլհամ Ալիևի կողմից ստորագրված համաներման վերաբերյալ հրամանագիրը չի լուծել քաղբանտարկյալների հարցը: Այս մասին հայտնում է ադրբեջանական «Թուրան» լրատվական գործակալությունը:
Համաներման արդյունքում ավելի քան 160 քաղբանտարկյալներից ազատ են արձակվել միայն 12-ը:
Համաներումը չի կիրառվել նաև ցմահ ազատազրկման ենթարկված ավելի քան 20 նախկին սպաների նկատմամբ:
Շարունակում է անազատության մեջ մնալ ընդդիմադիր REAL քաղաքացիական շարժման առաջնորդ Իլգար Մամեդովը: Ադրբեջանի իշխանությունները Մամեդովին անազատության մեջ պահելով՝ դեմ են գնում նաև Մարդու իրավունքների եվրոպական դատարանի (ՄԻԵԴ) վճիռներին, քանի որ Մամեդովի գործով ՄԻԵԴ-ի կայացրած երկու դատավճիռներն արդեն ուժի մեջ են:
Այսպիսով, չնայած համաներման հրամանագրին Ադրբեջանում շարունակում են բանտարկված մնալ քաղաքական մոտիվներով և շինծու մեղադրանքներով ձերբակալված տասնյակ լրագրողներ, քաղաքական գործիչներ, կրոնական և ընդդիմադիր ակտիվիստներ:
