Թբիլիսիի քաղաքապետ Կախա Կալաձեն նկարահանվելու է ֆիլմում
Թբիլիսիի քաղաքապետ Կախա Կալաձեն նկարահանվելու է գեղարվեստական ֆիլմում, որում մարմնավորելու է քաղաքագլխին, տեղեկացնում է «Գրուզիա Online»-ը:
Ինչպես հայտնել է BM.ge գործակալությունը, Վրաստանում կնկարահանեն «Մոռացված մեղեդի» գեղարվեստական ֆիլմը:
Նախագիծն իրականացվում է Թբիլիսիի քաղաքապետարանի եւ Զբոսաշրջության ազգային վարչակազմի աջակցությամբ: Ըստ սյուժեի, իրեն անծանոթ Վրաստան է ժամանում սլովակցի հարուստ գործարարի թոռը: Նա պատրաստվում է պարզել պապի վերջին ցանկության գաղտնիքը:
Գործակալության տվյալներով՝ նկարահանումներին ակտիվ մասնակցություն կունենա Թբիլիսիի քաղաքապետարանը, իսկ Կախա Կալաձեն ֆիլմում կմարմնավորի երիտասարդ ու եռանդուն քաղաքապետին, որն արագորեն եւ արդյունավետ կերպով լուծում է տարբեր խնդիրներ:
