Ղանդիլյան փողոցի շենքերից մեկը կղզու է վերածվել
Ջրագծի վթարի հետեւանքով Ղանդիլյան փողոցի շենքերից մեկի դիմաց լճակ է գոյացել. բողոքում են 11/40 շենքի բնակիչները: «Այսօր» լրատվականի նկարահանող խումբը տեղում է պարզել վթարի հանգամանքները: Արդեն 3 օր է, ինչ խնդիրն առկա է, լճակն արդեն շենքի երկայնքով է տարածվել եւ ավելի խորացել:
Բնակիչներն ասում են՝ այլեւս անհնար է տանից դուրս գալ, ստեղծված իրավիճակի պատճառով երեխաները բացակայում են դպրոցից, մեծահասակներն էլ՝ աշխատանքից: Նույնիսկ գնումների չեն կարողանում գնալ: «Այսօր»- ի նկարահանման ընթացքում «Վեոլիա ջուր» ընկերության աշխատակիցները դեպքի վայրում են գտնվել եւ իրականացրել են համապատասխան աշխատանքներ՝ ջրագծի վթարը վերացնելու համար:
