Էմիլ Բաբայանը չընտրվեց ՍԴ անդամ
Սահմանադրական դատարանի անդամի պաշտոնում առաջադրված Էմիլ Բաբայանը չընտրվեց ՍԴ անդամ։
Այսօր Ազգային ժողովի նիստում քվեարկությունից հետո հաշվիչ հանձնաժողովի նախագահ Գագիկ Մելիքյանը հայտարարեց, որ փակ գաղտնի քվեարկությանը մասնակցել է 54 պատգամավոր, անվավեր քվեաթերթիկ չկա, կողմ քվեարկել են 51-ը, դեմ՝ 3-ը։
Հիշեցնենք, որ ապրիլի 26-ին ՀՀ նախագահ Արմեն Սարգսյանը Սահմանադրական դատարանի դատավորի թափուր տեղի համար առաջադրել էր Էմիլ Բաբայանի թեկնածությունը:
Ավելացնենք, որ ՍԴ անդամի ընտրության համար անհրաժեշտ է 63 ձայն։ Մինչ քվեարկությունը «Ելք» և «Ծառուկյան» խմբակցությունները հայտարարել էին ընտրությունը բոյկոտելու մասին։
