Աֆղանստանում սպանել են BBC-ի թղթակցին
Աֆղանստանում անհայտ անձանց կողմից հարձակման հետևանքով ստացած մարմնական վնասվածքներից մահացել է BBC-ի թղթակից Ահմադ Շահը:
Ինչպես հաղորդում է «ՌԻԱ Նովոստի»-ն, Աֆղանստանի Հոսթ նահանգում անհայտ անձինք կրակ են բացել Շահի ուղղությամբ, ով մոտոցիկլետ էր վարում:
«Մեծ տխրությամբ հաստատում եմ Աֆղանստանում մեր թղթակից Ահմադ Շահի մահը, ում այսօր սպանել են Աֆղանստանի Հոսթ նահանգում»,- հայտարարել է BBC-ի համաշխարհային ծառայության տնօրեն Ջեյմի Անգուսը:
