«Հայաստանում ստեղծված իրավիճակի համար մասամբ մեղավոր են Եվրասիական միության երկրները». Լուկաշենկո
Եվրասիական տնտեսական միության երկրները մասամբ մեղավոր են վերջին ժամանակներում Հայաստանում ստեղծված քաղաքական իրավիճակի համար: Բելառուս ժողովրդին և խորհրդարանին ուղղված ամենամյա ուղերձում նման տեսակետ է հայտնել Բելառուսի նախագահ Ալեքսանդր Լուկաշենկոն:
«Շուտով Ռուսաստանի, մեր, Ղազախստանի ու միության անդամ մյուս երկրների փորձագետները կսկսեն քննարկել այդ հարցը: Դուք, ի՞նչ է, ուզում եք ասել, որ մենք մեղավոր չե՞նք այն ամենում, ինչ տեղի ունեցավ Հայաստանում»,- ասել է Լուկաշենկոն:
Նա, մասնավորապես, այդ հարցը կապել է բնական գազի գների բարձրացման հետ: «Եվ ինչ է, դա մեզնի՞ց չէր կախված, Ռուսաստանի՞ց չէր կախված»,- հռետորական հարց է հնչեցրել Լուկաշենկոն:
