Բրյուսելում թագավորական ջերմոցները բացվել են այցելության համար

Լաքենում թագավորական ջերմոցները բացվել են այցելության համար: Այդ մասին հաղորդվում է Բելգիայի թագավորական տան պաշտոնական կայքում: Ջերմոցներն իրենցից ներկայացնում են արտ նովո ոճով շենք, որը 19-րդ դարում լիովին ապակուց եւ մետաղից ստեղծել է ճարտարապետ Ալֆոնս Բալատը:

Դրանք գտնվում են Լաքենի թագավորական պալատին կից հռչակավոր զբոսայգում եւ զբոսաշրջիկների ուշադրությունը գրավում են գեղեցկությամբ եւ արտասովոր կառուցվածքով: Ցուցադրանքը բացվում է միայն գարնանը երեք շաբաթ ժամանակով: Այս տարի այն կտեւի մինչեւ մայիսի 11-ը, հաղորդել է ՏԱՍՍ-ը: