«Երկրորդ տեղն ԱՊԼ-ում ձեռքբերում է այնպիսի թիմի համար, ինչպիսին «Մանչեսթեր Յունայթեդն» է». Մոուրինիո
Յուրահատուկ, դու վստա՞հ ես դրանում:
«Մանչեսթեր Յունայթեդի» գլխավոր մարզիչ Ժոզե Մոուրինիոն «Տոտենհեմի» դեմ Անգլիայի գավաթի կիսաեզրափակիչ խաղում հաղթանակի հասնելուց հետո (2:1) կիսվել է 2017-18թթ. մրցաշրջանում իր թիմի ելույթների մասին կարծիքով:
«Մենք պետք է հարց տանք մեզ. ինչո՞ւ ենք այդքան շատ մեզ քննադատում: Մենք կգրավենք 2-րդ տեղը, եթե հավաքենք ևս 6 միավոր: Անել դա, երբ մենք խաղում ենք բազմաթիվ ֆանտաստիկ թիմերի դեմ, ձեռքբերում կլինի ակումբի համար, որը չի հասել նման արդյունքի վերջին մի քանի տարիների ընթացքում:
Եվ սա կլինի 4-րդ եզրափակիչը մեզ համար 3 տարվա ընթացքում: Այնպես որ, թերևս, «Մանչեսթեր Յունայթեդի» հասցեին քննադատությունը չափից շատ է»,- Ժոզեին է մեջբերում BBC-ն:
2016-17թթ. մրցաշրջանում «Մանչեսթեր Յունայթեդը» հաղթել է Անգլիայի սուպերգավաթը, Անգլիական լիգայի գավաթը և Եվրոպայի լիգան:
Պատրաստեց Անի Գաբուզյանը
