Նիկոլ Փաշինյանն ու կողմնակիցները երթ անցկացրեցին Երևանի փողոցներով
Ազգային ժողովի պատգամավոր Նիկոլ Փաշինյանը և նրա կոզմնակիցները Հանրապետության հրապարակում անցկացված հանրահավաքից հետո երթով շարժվեցին դեպի Բաղրամյան պողոտա:
Վարչապետի նստավայրի մոտակայքում ցուցարարները կանգ առան ոստիկանական պատի առջև, վանկարկեցին իրենց կարգախոսներն, ինչից հետո ողջունեցին ոստիկաններին ու նրանց բարի գիշեր մաղթեցին:
Նիկոլ Փաշինյանն այնուհետև հայտարարեց, որ երթը շարունակվելու է դեպի Բաղրամյան պողոտայի ներքևի հատված-Սայաթ Նովա-Աբովյան փողոցներ երթուղիով՝ երթն ամփոփելով Հանրապետության հրապարակում:
Երթի վերջում Փաշինյանը շնորհակալություն հայտնեց երթի մասնակիցներին, տեղեկացրեց, որ միջոցառումն ավարտվել է և բարի գիշեր մաղթեց բոլորին:
