Բալթիական նավատորմը «Յարոսլավ Մուդրի» ռազմանավն ուղարկել է Միջերկրական ծով
Բալթիական նավատորմի նավերի ջոկատը՝ «Յարոսլավ Մուդրի» պահականավի եւ «Լենա» լցանավի կազմով, դուրս է եկել Բալթիյսկից եւ ուղղություն վերցրել Միջերկրական ծով: Այդ մասին, ինչպես հաղորդել է «Ինտերֆաքս»-ը, ապրիլի 18-ին հայտնել է Բալթիական նավատորմի պաշտոնական ներկայացուցիչ Ռոման Մարտովը։
«Նավերը մեկնել են Միջերկրական ծովում Ռուսաստանի ռազմածովային ուժերի նավերի մշտական օպերատիվ միավորման ուժերի պլանային շրջափոխման շրջանակներում: «Յարոսլավ Մուդրի» պահականավում եւ «Լենա» լցանավում գտնվում են հակաահաբեկչության խմբեր Բալթիական նավատորմի ծովային հետեւակի միավորման կազմից»,- հավելել է Մարտովը:
Ապրիլին ավելի վաղ արդեն Միջերկրական ծով են մտել Ռուսաստանի ռազմածովային նավատորմի «Օրսկ» եւ «Նիկոլայ Ֆիլչենկով» մեծ դեսանտային նավերը:
