Հայտարարվել են իդելական լողափեր ունեցող երկրները
Բնապահպանական կրթության հիմնադրամը (EFE) կազմել է ամենամաքուր լողափերի վարկանիշը, որը գլխավորել են Իսպանիան եւ Հունաստանը: Այդ մասին հայտնել է «Եվրո-Պուլս»-ը: Իսպանիայում երկնագույն դրոշը, որով նշում են ամենամաքուր լողափերը, ստացել է 579 լողափ, Հունաստանում՝ 466:
Վարկանիշի երրորդ տեղում Թուրքիան է, հնգյակում տեղ են գտել նաեւ Ֆրանսիան եւ Իտալիան՝ զբաղեցնելով չորրորդ եւ հինգերորդ տեղերը համապատասխանաբար:
Երկնագույն դրոշները բաշխելիս փորձագետները հաշվի են առնում ջրի որակը, լողափի հարմարությունը եւ մատչելիությունը: Վարկանիշ-2018-ի դիրքերը շատ չեն տարբերվում անցյալ տարվա վարկանիշից, բայց, այդուհանդերձ, Թուրքիային հաջողվել է առաջատարների շարք մտնել՝ առաջ անցնելով Ֆրանսիայից, որն զբաղեցնում էր երրորդ հորիզոնականը, հաղորդել է ՌԻԱ Նովոստի գործակալությունը:
