Ձեզ անհանգստացնում է որովայնի փքվածությունը․ կարդացեք սա

Որովայնի փքվածությունը մեծ անհարմարություն է պատճառում։ Fithacker.ru-ի հաղորդմամբ՝ այս խնդիրը մեծամասամբ առաջանում է ծանր մթերքի օգտագործման հետևանքով, բայց մարդկանց մի մասի շրջանում այն առավել հաճախ է նկատվում։ Կայքը ներկայացրել է փքվածության առավել տարածված պատճառները։

Բավարար չափով ջուր չեք խմում։ Անհրաժեշտ քանակով ջուր չօգտագործլու դեպքում կարող են առողջության հետ կապված խնդիրներ ի հայտ գալ, հատկապես, եթե սուրճ և ալկոհոլ եք օգտագործում։ Որովայնի փքվածությունը կարող է պայմանավորված լինել նաև հեղուկի կուտակմամբ։

Փորկապություն։ Եթե փորկապությունը հաճախ է անհանգստացնում ձեզ, հարկավոր է սննդակարգ ներառել մեծ քանակով բջջանյութ և անհրաժեշտ քայլեր ձեռնարկել՝ փորկապությունից ազատվելու համար, քանի որ գազերը ևս կարող են որովայնի փքվածության պատճառ դառնալ։

Հաճախ եք սթրեսի ենթարկվում։ Որոշ հետազոտություններ պնդում են, որ որովայնի փքվածության պատճառ կարող է դառնալ սթրեսը։ Քրոնիկ սթրեսի դեպքում նյութափոխանակության համակարգի աշխատանքը տուժում է, կարող են անհանգստացնել որովայնի փքվածությունն ու ցավը։

Կարդացեք նաև

Շատ արագ եք ուտում։ Եթե մթերքը քիչ եք ծամում, օրգանիզմն ավելի դանդաղ է այն մշակման ենթարկում, և կարող է որովայնի փքվածություն առաջանալ։

Ածխաջրեր։ Որովայնի փքվածության պատճառ կարող է դառնալ նաև մեծ քանակով ածխաջրերի օգտագործումը։ Շաքարը փոխարինեք մրգերով ու բանջարեղենով։

Նյութը հրապարակման պատրաստեց 168.am-ը

Տեսանյութեր

Լրահոս