Ողբերգական վթար Գյումրիում․ երիտասարդ վարորդի դին դուրս են բերել, կան տուժածներ
Մարտի 29-ին՝ ժամը 22:25-ին, ահազանգ է ստացվել, որ Շիրակի մարզի Գյումրի քաղաքում՝ Խ. Հայրիկի փողոցի սկզբնամասում, տեղի է ունեցել ՃՏՊ. կան տուժածներ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ բախվել են «ՎԱԶ 2101» մակնիշի 34 PA 712 պետհամարանիշի (վարորդ՝ ծնված 1988 թ. Ա. Ա. ) և «Opel Astra G» մակնիշի 35 QV 710 պետհամարանիշի (վարորդ՝ 1983 թ. ծնված Վ. Ք.) ավտոմեքենաները, ինչի հետևանքով Ա. Ա.-ը ստացած մարմնական վնասվածքներից տեղում մահացել է, իսկ «Opel»-ի վարորդը և ուղևորներ՝ 1984 թ. ծնված Ա. Ք.-ը և 2001 թ. ծնված Ա. Շ.-ը տարբեր աստիճանի մարմնական վնասվածքներով հոսպիտալացվել են «Ավստրիական մանկական հիվանդանոց», որտեղ բժիշկները տուժածների առողջական վիճակը գնահատել են բավարար:
Փրկարարներն Ա. Ա.-ի դին դուրս են բերել արգելափակումից, հոսանքազրկել ավտոմեքենաները, դադարեցրել վառելիքի արտահոսքը և սահմանազատել տարածքը:
