Ի՞նչ միջոցներով է Վայոց Ձորի մարզպետը գնել 41 հազար դոլար արժողությամբ ավտոմեքենա
Վայոց Ձորի մարզպետ Հարություն Սարգսյանն անցած տարի անշարժ ու շարժական գույք է ձեռք բերել։ Բարձրաստիճան պաշտոնատար անձանց էթիկայի հանձնաժողովին իր ունեցվածքի մասին ներկայացրած հայտարարագրում նա նշեց, որ 240 հազար դրամով ձեռք է բերել հողամաս։ Մարզպետը վաճառել է MITSUBISHI PAJERO 3.0 մակնիշի իր ավտոմեքենան 21 հազար դոլարով և գնել LEXUS ES 250 մակնիշի ավտոմեքենա՝ 41 հազար դոլարով։
Ընդ որում՝ այսպիսի ծախսեր Սարգսյանը կարողացել է անել՝ ստանալով տարեկան միայն 6 մլն 74 հազար 952 դրամ, այսինքն՝ ամսական մոտ 506 հազար դրամ աշխատավարձ։
Որևէ այլ եկամուտ, ներդրում, անշարժ գույք, բաժնեմաս մարզպետը չի հայտարարագրել։
