Մարկոս Պիզելին դարձել է գոլի հեղինակ
Հայաստանի ֆուտբոլի ազգային թիմի կիսապաշտպան Մարկոս Պիզելին դարձել է գոլի հեղինակ:
Ղազախական «Ակտոբե»-ն ուսումնամարզական հավաք է անցկացնում թուրքական Բելեկ քաղաքում: «Ակտոբե»-ն ընկերական խաղում մրցում էր բելառուսական «Տորպեդո-Բելազ»-ի հետ: Հանդիպումն ավարտվել է ոչ-ոքի` 1:1 հաշվով:
Հայաստանի ազգային թիմի կիսապաշտպան Մարկոս Պիզելին թիմի մեկնարկային կազմում էր, մասնակցեց ամբողջ խաղին և անվրեպ իրացրեց 11-մետրանոց հարվածը:
Մարկոս Պիզելին կրկին «Ակտոբե» է վերադարձել ընթացիկ տարվա փետրվարի 14-ին: Պիզելին 2014/15 թվականներին արդեն եղել է ղազախական այս թիմի կազմում` մասնակցել 50 խաղի` դառնալով 13 գոլի հեղինակ: Մարկոս Պիզելին մինչ այս հանդես էր գալիս Քաթարի «Ալ-Շաբաբ»-ում:
