Բաժիններ՝

Լայն սպառման մի շարք ապրանքային շուկաներում էապես բարելավվել է մրցակցային իրավիճակը. ՏՄՊՊՀ

Լայն սպառման մի շարք ապրանքային շուկաներում էապես բարելավվել է մրցակցային իրավիճակը։ ՀՀ Տնտեսական մրցակցության պաշտպանության պետական Հանձնաժողովը կատարել է ուսումնասիրություն մի շարք ապրանքային շուկաներում՝ պարզելու, թե ԵԱՏՄ անդամակցությունից հետո որ շուկաներում է ավելացել նոր տնտեսվարողների մուտքը եւ որքանով է այդ հանգամանքը դրական անդրադարձել մրցակցային իրավիճակի վրա՝ ընդհանուր առմամբ :

ՏՄՊՊՀ մամուլի ծառայության փոխանցմամբ, պարզվել է, որ լայն սպառման մի շարք ապրանքային շուկաներում էապես բարելավվել է մրցակցային իրավիճակը. որոշ ոլորտներում գործունեություն իրականացնող տնտեսվարողներն ավելացել են նույնիսկ մի քանի անգամ:

Այսպես, եթե մինչ ԵԱՏՄ անդամակցությունը հավի մսի ներկրում իրականացնում էր 28 տնտեսվարող, ներկայում այն դարձել է 57, ձեթի շուկայում 47-ի փոխարեն այսօր ունենք 59, ալյուրի շուկայում 30-ի փոխարեն՝ 67, մարգարինի շուկայում՝ 26-ի փոխարեն 52 տնտեսվարող: Նոր ընկերությունների մուտքի ավելացում է արձանագրվել նաեւ բրնձի շուկայում՝ 31-ից դառնալով 65, ոսպի շուկայում ՝ 17-ից դառնալով 39-ը, ոլոռի շուկայում՝ 15-ից՝ 28, իսկ բանանի շուկայում՝ 9-ի փոխարեն այսօր գործում են 40 տնտեսվարող: Նոր ներկրողներ են ավելացել նաեւ շաքարավազի շուկայում, որտեղ այս պահին գործում է 56 տնտեսվարող:

ՏՄՊՊՀ դիտարկմամբ, տասնյակ ոլորտներում թե արտահանող եւ թե ներկրող նոր տնտեսվարողների մուտքը դրական է անդրադարձել երկրի ընդհանուր մրցակցային իրավիճակի վրա՝ մի շարք ոլորտներում արձանագրելով կենտրոնացվածության նվազում:

Բաժիններ՝

Տեսանյութեր

Լրահոս