Քաբուլի կենտրոնում հրթիռ է ընկել. տուժածներ չկան
Անհայտ անձանց կողմից արձակված հրթիռն ընկել է Աֆղանստանի մայրաքաղաք Քաբուլում Կանադայի դեսպանության հարևանությամբ: Ինչպես հաղորդում է ՏԱՍՍ-ը, այս մասին հայտնել են Աֆղանստանի ներքին գործերի նախարարությունից:
Գերատեսչության ներկայացուցիչ Նուսրատ Ռահիմլին տեղեկացրել է, որ միջադեպի արդյունքում ոչ ոք չի տուժել: Աֆղանստանում գործող զինված խմբավորումներից որևէ մեկը միջադեպի համար պատասխանատվություն չի ստանձնել:
