Ռայան Գիգզը հարցազրույց է անցել Ուելսի հավաքականի գլխավոր մարզչի պաշտոնի համար
«Մանչեսթեր Յունայթեդի» նախկին կիսապաշտպանը, ամենայն հավանականությամբ, կստանա այդ աշխատանքը:
Ուելսի ֆուտբոլի ֆեդերացիան ուզում է մոտ ժամանակները կողմնորոշվել հավաքականի գլխավոր մարզչի անվան հարցում: Ինչպես հաղորդում է Sky Sports-ը, այդ տեղի գլխավոր հավակնորդը դարձել է Ռայան Գիգզը, ով արդեն հարցազրույց է անցել տվյալ պաշտոնի համար: Պայմանագրի ստորագրման դեպքում Գիգզը տարեկան կստանա 340 հազար եվրո:
Պաշտոնի մյուս հավակնորդն է «Մանչեսթեր Սիթիի» և «Լիվերպուլի» նախկին հարձակվող Քրեյգ Բելամին: 2017թ. նոյեմբերին Ուելսի հավաքականի գլխավոր մարզչի պաշտոնից հեռացավ Քրիս Քոուլմենը, ով չհանեց թիմն ԱԱ-2018-ի եզրափակիչ փուլ: Ռայան Գիգզը չունի աշխատանք 2016 թվականի ամառվանից:
Պատրաստեց Անի Գաբուզյանը
