«Ամեն ինչ հնարավոր է». Անտոնիո Կոնտեն՝ ամռանը «Չելսիից» հեռանալու մասին
Իտալացին չի հերքել մրցաշրջանի ավարտից հետո ակումբից հեռանալու մասին շշուկները:
Լրագրողները Կոնտեին խնդրել են մեկնաբանել «Չելսիից» իր հնարավոր հեռանալու մասին լուրերը:
«Ես ըստ պայմանագրի՝ դեռ մեկ տարի ունեմ: Բայց, ինչպես դուք շատ լավ գիտեք, ամեն ինչ հնարավոր է: Ինչ-որ պահի դուք մնում եք, իսկ հաջորդ պահին այդ տեղում ձեզ այլ մարդ է փոխարինում:
Կերկարաձգե՞մ արդյոք պայմանագիրը: Ակումբը պետք է որոշում ընդունի: Այս ակումբի մարզիչների համար այսպիսի իրավիճակը նորմալ է, նույնիսկ, եթե դու նախորդ մրցաշրջանում հաղթել ես առաջնությունը և հասել ես Գավաթի եզրափակիչ:
Մարզիչներին շատ դժվար է մնալ մեկ ակումբում երկար տարիներ, հատկապես՝ Անգլիայում: Այստեղ հաճույքով հեռացնում են մարզիչներին: Դա նորմալ է, որ մամուլը խոսում է «Չելսիի» մասին»,- Կոնտեին է մեջբերում Sky Sports-ը: Կոնտեն գլխավորեց «Չեսլին» 2016թ. ամռանը և թիմի հետ միանգամից հաղթեց Անգլիայի առաջնությունը:
Պատրաստեց Անի Գաբուզյանը
