5 անսովոր նշան, որ արյան մեջ շաքարի մակարդակը բարձր է
Խոլեստերինի բարձր մակարդակը վտանգավոր է առողջության համար և կարող է այլ առողջական խնդիրների պատճառ դառնալ։ Fithacker.ru-ն գրում է, որ միևնույն ժամանակ՝ հարկավոր է հաշվի առնել, որ խոլեստերինի բավարար քանակը ևս կարևոր է օրգանիզմի համար, քանի որ այն մասնակցում է սեռական և մակերիկամների հորմոնների արտադրությանը, առաց խոլեստերինի օրգանիզմը չի կարող վիտամին D սինթեզել. այս վիտամինը կարևոր է ոսկորների առողջության համար, ինչպես նաև արտադրում է թթու, առանց որի օրգանիզմում ճարպը նորմալ չի մշակվում։
Արյան մեջ խոլեստերինի բարձր քանակի պատճառները տարբեր են՝ գենետիկ նախատրամադրվածություն, լյարդի քրոնիկ հիվանդություն, վահանաձև գեղձի հիվանդություններ, դիաբետ։ Խոլեստերինի բարձր մակարդակի մասին վկայում են հետևյալ նշանները։
Դեղին ուռուցքներ կոպերին։ Եթե կոպերին դեղին հետքեր եք նկատում, դիմեք մասնագետի, ստուգեք խոլեստերինի մակարդակն ու սրտի առողջությունը։
Մոխրագույն հետքեր եղջերաթաղանթի շուրջ։ Սա առավել հաճախ վկայում է ծերացման մասին։ Բայց եթե դրանք առաջացել են երիտասարդ տարիքում, սա կարող է վկայել արյան մեջ խոլեստերինի բարձր մակարդակի մասին։
Ծակոցներ ձեռքերում և ոտքերում։ Այս նշանները չի կարելի անուշադրության մատնել, քանի որ դրանք կարող են վկայել լուրջ առողջական խնդիրների առկայության մասին։ Եթե արյունատար անոթներն արգելափակված են խոլեստերինով, մեծ է հավանականությունը, որ ոտքերում ու ձեռքերում կարող եք ծակոցներ զգալ. նյարդերը կարող են անհրաժեշտ քանակով թթվածին և սննդարար նյութեր չստանալ, որոնք հարկավոր են դրանց նորմալ աշխատանքի համար։
Ցավ իրանի և գլխի հետևի հատվածում։ Խոլեստերինի բարձր մակարդակը կարող է հանգեցնել արյունատար անոթների արգելափակման, ինչի հետևանքով արյան շրջանառությունը դժվարանում է։ Արդյունքում՝ կարող է ցավ առաջանալ իրանի, ուսի հատվածում, կարող եք զգալ գլխացավ, հատկապես՝ գլխի հետևի հատվածում։
Սրտի արագ զարկ։ Սրտի արագ զարկերը կարող են անհանգստության, սթրեսի, որոշակի դեղորայքի օգտագործման հետևանք լինել։ Սրտի արագ զարկերը կարող են վկայել թե սիրտ-անոթային համակարգի հետ խնդիրների, թե խոլեստերինի բարձր մակարդակի մասին։
Նյութը հրապարակման պատրաստեց 168.am-ը
